॥ श्री गणेशाय नमः ॥
बगलामुखीकवचं
रुद्रयामलतन्त्रान्तरगतम्
श्रुत्वा च बगलापूजां स्तोत्रं चापि महेश्वर ।
इदानीं श्रोतुमिच्छामि कवचं वद मे प्रभो ॥ १ ॥
वैरिनाशकरं दिव्यं सर्वाशुभविनाशनम् ।
शुभदं स्मरणात्पुण्यं त्राहि मां दुःखनाशनम् ॥ २ ॥
श्रीभैरव उवाच -
कवचं शृणु वक्ष्यामि भैरवी प्राणवल्लभे ।
पठित्वा धारयित्वा तु त्रैलौक्ये विजयी भवेत् ॥ ३ ॥
ॐ अस्य श्रीबगलामुखीकवचस्य नारदऋषिरनुष्टुप्छन्दः
श्रीबगलामुखीदेवता लंबीजं ऐंकीलकं
पुरुषार्थचतुष्टये जपे विनियोगः ॥
शिरो मे बगला पातु हृदयैकाक्षरी परा ।
ॐ ह्रीं ॐ मे ललाटे च बगला वैरिनाशिनी ॥ ४ ॥
गदाहस्ता सदा पातु मुखं मे मोक्षदायिनी ।
वैरिजिह्वान्धरा पातु कण्ठं मे बगलामुखी ॥ ५ ॥
उदरं नाभिदेशं च पातु नित्यं परात्परा ।
परात्परपरा पातु मम गुह्यं सुरेश्वरी ॥ ६ ॥
हस्तौ चैव तथा पातु पार्वतीपरिपातु मे ।
विवादे विषमे घोरे सङ्ग्रामे रिपुसङ्कटे ॥ ७ ॥
पीताम्बरधरा पातु सर्वाङ्गं शिवनर्तकी ।
श्रीविद्यासमयो पातु मातङ्गीदुरिताशिवा ॥ ८ ॥
पातुपुत्रं सुतां चैव कलत्रं कालिका मम ।
पातु नित्यं भ्रातरं मे पितरं शूलिनी सदा ॥ ९ ॥
सन्देहि बगलादेव्याः कवचं मन्मुखोदितम् ।
नैव देयममुख्याय सर्वसिद्धिप्रदायकम् ॥ १० ॥
पठनाद्धारणादस्य पूजनाद्वाञ्छितं लभेत् ।
इदं कवचमज्ञात्वा यो जपेद्बगलामुखीम् ॥ ११ ॥
पिबन्ति शोणितं तस्य योगिन्यः प्राप्यसादराः ।
वश्ये चाकर्षणे चैव मारणे मोहने तथा ॥ १२ ॥
महाभये विपत्तौ च पठेद्वापाठयेत्तु यः ।
तस्य सर्वार्थसिद्धिः स्याद्भक्तियुक्तस्य पार्वती ॥ १३ ॥
इति श्रीरुद्रयामले बगलामुखीकवचं सम्पूर्णम् ॥
॥ ॐ श्यामाशिवभ्यां नमः ॥